في الركن البعيد الهادي - انغام

في الركن البعيد الهادي - انغام

في الركن البعيد الهادي - انغام
    في الركن البعيد الهادي
    وفي نفس المكان في النادي
    أنا قاعدة مستنية أجمل حبيب في عينيا
    والشوق زرع حواليا شجرة هنا مندية
    وفاتت دقيقة وفاتت دقايق
    وفاتت ورارها دقايق تضايق



    وفين أنت فين يا بحر الحنان
    وفين أنت فين يا بر الامان
    يا خوفي لاتنسى معادي
    في الركن البعيد الهادي
     
     

    الثلج داب داب
    في كاس الليمون بقاله ساعات
    وفتحلي باب
    لهمس العيون وضحك البنات

    والشمس غابت واحنا في عز النهار
    واللهفة دابت من حرارة الانتظار
    وروحوا القاعدين وقعدوا ناس تانيين

    وفين أنت فين يا بحر الحنان
    وفين أنت فين يا بر الامان
    يا خوفي لاتنسى معادي
    في الركن البعيد الهادي

    استنى تاني ولا ايه .. ولا ايه
    استنى تاني .. استنى ليه ليه
    لا برضه أسأل أحسن ده يزعل
    وأنا زعله ما أقدرش عليه
    طلبته, عاتبته .. قالي أهلاً يا حياتي

    وفي وسط موجة غضب
    رمالي نجمة وطوق
    وبكل رقة وأدب
    وبشوق ما بعده شوق

    قاللي النهاردة ايه
    قلت النهاردة السبت
    من خجلي دبت وتبت
    ما لقيتش عندي رد
    ميعادنا كان الحد
    في الركن البعيد الهادي
    وفي نفس المكان في النادي

    إرسال تعليق