طبعا احباب - وردة الجزائرية

 طبعا احباب - وردة الجزائرية
    طبعا احباب والحب عجيب ومالش اسباب 

    طبعا احباب وانا وانت سؤال ومالوش جواب 



    يا ابو حس بيعرف يلمسني .. وكلام ولا غيره يونسني 
    يا غنوه ما تحتاجش شفايف .. قلبي من غير قلبك خايف 
    واحنا من غير بعضنا اغراب ..
     طبعا احباب والحب عجيب ومالوش اسباب
    طبعا احباب وانا وانت سؤال ومالوش جواب
     طبعا احباب , احباب خالص .. وبحبك من قلبي خالص
     لو نزعل ولو انه ده عمره ما حصل بيني وبينك خالص
    في دقايق مين قال في دقايق .. في ثواني حبيبي بنتخالص
     عشاق خالص , احباب خالص .. ولا مننا في الدنيا دي خالص 
     قلبنا خالص , حبنا خالص .. ولا فيش زينا ابدا خالص 
     طبعا احباب , طبعا احباب .. خالص , خالص

    يا ليالي حاسبي يا ليالي .. وانتي بتجري وافتكريني
    دانا قبل ما اقابل محبوبي لا حسبت حياتي ولا سنيني 
    ايه يعني سنين والقلب حزين 
    ايه يعني العمر ما دام قلبي لا يحس الفرحه ولا الأهات 
    ايه يعني الدنيا ما دام تجري من ايدي وانا مش حساها 
    دلوقتي خلاص انا عندي كلام .. واقدر اتكلم عالايام 
    انتوم فاكريني عشان ما حلمت خلاص انا عايشه في الاحلام 
    ابدا ابدا .. خالص خالص 
    وعشان ما انا عمري ما اتكلمت ما فيش بين قلبي وبيني كلام
    ابدا ابدا .. خالص خالص 
    والحب في قلبي مش خالص .. وانت ما شفتش زيك خالص 
    لو نزعل ولو انه ده عمره .. ما حصل بيني وبينك خالص 
    في دقايق مين قال في دقايق .. في ثواني حبيبي بنتخالص 
    عشاق خالص , احباب خالص .. ولا مننا في الدنيا دي خالص 
    قلبنا خالص , حبنا خالص .. ولا فيش زينا ابدا خالص 
     طبعا احباب , طبعا احباب .. خالص , خالص

    ما انتش محتاج ولا نيش محتاجه تقولي واقولك يا حبيبي 
    ما انت حبيبي ......
    ما انت حبيبي وانا حبيبك وانا وانت عارفين يا حبيبي 
    ايوة حبيبي .......
    حنقولها عشان الناس تعرف .. طب يعرفوا ليه 
    يعني لو عرفوا ده ينفعنا .. يا حبيبي بإيه 
    حيخلونا اسعد ما احنا .. وياهم حاجة تفرحنا 
    حيقربوا نجم الليل سنة ويعلوا الضحكه في افراحنا 
    ابدا ابدا .. ابدا خالص 
    والحلم اللي احنا بنحلم بيه .. مهما حنحلم عمره ما خالص 
    وانا مهما اديتك من قلبي .. عمري ما حاوفيك حقك خالص 
    ابدا ابدا .. خالص خالص 
    يا احلى من الدنيا دي خالص .. واجمل من كل الناس خالص 
    لو نزعل ولو انه ده عمره .. ما حصل بيني وبينك خالص 
    في دقايق مين قال في دقايق .. في ثواني حبيبي بنتخالص
    عشاق خالص , احباب خالص .. ولا مننا في الدنيا دي خالص 
     قلبنا خالص , حبنا خالص .. ولا فيش زينا ابدا خالص 
     طبعا احباب , طبعا احباب .. خالص , خالص
    كلمات: عبد الرحمن الأبنودي
     ألحان: عمار الشريعي

    إرسال تعليق