أكدب عليك - وردة الجزائرية

 أكدب عليك - وردة الجزائرية
     اكدب عليك اكدب عليك اكدب عليك اكدب عليك
    اكدب عليك لو قلت بحبك لسه اكدب عليك
    واكدب عليك لو قلت نسيتك همسه اكدب عليك
    امـــال انا ايه .. قوللي انت انا ايه 

    اختارلي بر وانا ارسي عليه
    انت حبيبي يعني لسه حبيبي
    ولا حبيبي عشان كنت حبيبي
    قول يا حبيبي قول .. قووووول يا حبيبي

    عارف كان اجمل شيء في حياتي .. ايه يا حياتي
    كان اجمل شيء ان انت كل حياتي
    توعدني واطير قبل المواعيد
    للفرحه اعيد قبل العيد

    والقاك يا حبييبي سابقني هناك
    والحب ف ايد والدنيا ف ايد
    والشمع يشوفني معاك يا حبيبي
    من غير ما نقيده لوحده يقيد
    كان شيء جوانا علينا جديد
    دلوقتي خلاص ما صبحش جديد
    حبيبي صحيح بنتواعد
    ونتقابل ونتكلم الليل بطوله
    كلام يمكن مالوش معنى
    ما هوش من القلب .. لكن برضه بنقوله

    ونرجع تاني نتقابل ونتكلم
    ولا عارفين بنفرح او بنتألم
    وفوق خد الليالي دموع بتسأل ايه جرى لينا
    شموعنا ما عادتش شموع ونيجي نقيدها تطفينا
    وده كله ومالناش الا بعضينا
    دي جنة بنار بتجمعنا ليالينا

    عيني عيني يا عين قولي لحبيبي يا عين
    لهفتنا راحت فين .. جنتنا راحت فين
    كل الحاجات الحلوة نجيبها تاني منين
    حتى السلام بالأيد بقى شيء علينا جديد
    غير اللي كان في داخل القلب قبل الأيد

    الحب بريء واحنا ظلمنا
    دوبنا شبابه قبل صباه
    يدينا الحب نصيب سنتين
    نشربه في دقيقه مش في اتنين
    وان قال يرتاح مثلنا ساعتين
    نحلف يمينين ولا غمضة عين

    شوف كنا بأيه وصبحنا بأيه
    واختارلي بر وانا ارسي عليه
    انت حبيبي يعني لسه حبيبي
    ولا حبيبي عشان كنت حبيبي
    قول يا حبيبي قول .. قووووول يا حبيبي


    كلمات: مرسي جميل عزيز
    الحان: محمد الموجي

    إرسال تعليق

    -->