يا قلبي يا عصفور - وردة الجزائرية

 يا قلبي يا عصفور - وردة الجزائرية
    يا قلبي يا عصفور بجناحك المكسور
    عايز تطير على فين يا قلبي يا مغرور
    طول ما الجناح مكسور
    كل الفضا شبرين 
    وأقل من شبرين يا قلبي



    غنيت للحب كتير من غيرما تآمن بيه
    ومن قلب لقلب تطير واللي بيهواك ترميه
    يشكيلك الامه يحكيلك غرامه
    ولا ترحم دموعه ولا تسمع كلامه
    وتقول الحب ده وهم كبير
    دلوقتي صبحت في ايده أسير
    مش قادر تبعد أبداً عنه
    ولا عارف تخلص أبداً منه

    فهمني يا مغرور بجناحك المكسور
    عايز تطير على فين 
    دور في مكانك دور
    طول ما الجناح مكسور
    كل الفضا شبرين 
    وأقل من شبرين يا قلبي

    الحب يا قلبي رماك على قلب مالهوش امان
    بصفي حسابه وياك عن قلب جرحته زمان
    كان عايش بجرحك يشكيلك وتضحك
    صبحت انت تشكي والغادر بيضحك
    دي الوقت الماضي بتترجاه
    واللي انت رميته بتبكي هواه
    وعرفت النار من النور 
    والكاس ازاي بيدور

    فهمني يا مغرور 
    بجناحك المكسور
    عايز تطير على فين 
    دور في مكانك دور
    طول ما الجناح مكسور
    كل الفضا شبرين 
    وأقل من شبرين يا قلبي


    كلمات: حسين السيد 
    ألحان: محمد الموجي

    إرسال تعليق