يا عيني ع الصبر - وديع الصافي

 يا عيني ع الصبر - وديع الصافي
    يا عيني ياعيني عالصبر يا عيني عليه .. يشوف الدمع في عينينا يواسينا
     يشوف الجرح في ايدينا يداوينا .. ولما الدنيا تنسانا نلاقي الصبر ويانا
    في خطوتنا في سكتنا ويسمع لينا شكوتنا

    وعمره في يوم ما قال لاءة ولا مرة سألنا ليه
    يا عيني ياعيني عالصبر يا عيني عليه

    غريب الحي والغربة ليالي طوال .. في أرض الله أنا و الآه بقيت جوال
    أشيل الحمل وكتافي تقول صابرين .. على الوعدة وعالمكتوب وع اللايمين
    وفين يا قلبي مرسانا .. وفين الخطوة وخدانا
    بقالي كتير على ده الحال .. نغم حاير مع الموال
    لا أنا عارف لمين أبكي .. و لاعارف لمين أحكي
    يا عيني يا عيني عالصبر يا عيني عليه
    يا ليل الصبر يا مسهر دموع العين .. أنا ملاّح وتاه مني سوا الشطين
    مصير الصبر حيوصل مراكبنا .. ونتقابل أنا وانت بحبايبنـــا
    وفين يا قلبي مرسانا .. وفين الخطوة وخدانا
    بقالي كتير على ده الحال .. نغم حاير مع الموال
    لا أنا عارف لمين أبكي .. و لا عارف لمين أحكي
    يا عيني يا عيني عالصبر ياعيني عليــــه


    كلمات: نجيب محمد نجم
    ألحان: رياض البندك

    إرسال تعليق